Чэрвень! Лета! Столькі спраў, прыемных і абавязковых. Пах сенажаці, водар півоняў і язміну – гэта лірыка. А хутка слінкі пацякуць ад паху клубнічнага варэння, ягады на падыходзе – гэта кулінарыя.
Хвалюемся за выпускнікоў, хварэем за спартсменаў, пакуем адпускныя чамаданы – жыццё працягваецца, як, дарэчы, і падпіска на перыёдыку. У мітусні шматлікіх спраў, шаноўныя сябры «Ляхавіцкага весніка», не забудзьцеся пра свайго сябра – раёнку. Самы час аформіць падпісны абанемент на другое паўгоддзе ці хаця б на трэці квартал. І па вашым запрашэнні «ЛВ» двойчы на тыдзень будзе ў вас з цэлым стосам навін, уражанняў, з узнятымі праблемамі, расказамі пра землякоў і многімі іншымі тэмамі, якія цікавяць.