Сярод абласных перадавікоў ёсць і нашы!
Па стану на 1 жніўня па звестках аблсельгасхарчу ў чацвёрку лепшых вадзіцеляў Брэстчыны на адвозцы зерня ўваходзіў Дзмітрый АНЦІПЕНКА з СВК «Ордэна «Знак Пашаны» Кастрычнік» з вынікам 1278 тон перавезенага зерня (у пераможцы Сцяпана Царука з ААТ «Белавежскі» Камянецкага раёна на гэту дату было перавезена 1890 тон).
Сярод абласных перадавікоў — і СВК «Ляхавіцкі» з ураджайнасцю 59,8 цэнтнера зерня з гектара. Гаспадарка размясцілася на другой пазіцыі, саступіўшы першынства СВК «Палеская ніва» Столінскага раёна, дзе ўраджайнасць па стану на 1 жніўня дасягнула 73,6 цэнтнера з гектара.
