Парадак уплывае на вытворчасць
Рэспубліка Беларусь размешчана ў цэнтры Еўропы. Па яе тэрыторыі пралягаюць самыя кароткія транспартныя камунікацыі, якія звязваюць краіны СНД з дзяржавамі Заходняй Еўропы.
Акрамя багатай гісторыка-культурнай спадчыны краіна прыцягвае турыстаў дагледжанасцю і чысцінёй. На ўсіх узроўнях вертыкалі ўлады пытанням навядзення парадку, выканання прамысловай санітарыі надаецца сур’ёзная ўвага.
Элементарнае навядзенне парадку, захаванне тэхналагічнай, выканальніцкай дысцыпліны і дакладная арганізацыя работ закліканы забяспечыць эфектыўнае і рацыянальнае выкарыстанне прыродных, паліўна-энергетычных, матэрыяльных і працоўных рэсурсаў, удасканаленне сістэмы арганізацыі вытворчасці за кошт аптымізацыі затрат, захаванне прынцыпаў эканоміі і беражлівасці і, у рэшце, паступальнае эканамічнае развіццё краіны.
Пры правядзенні кантрольных мерапрыемстваў Камітэт дзяржаўнага кантролю Брэсцкай вобласці абавязкова вывучае стан спраў па даным пытанні ў правяраемых суб’ектах. Як правіла, дзе няма належнага парадку на тэрыторыі, там і недахопы ў арганізацыі вытворчага працэсу.
Пытаннямі навядзення парадку займацца неабходна сістэматычна. На жаль, кіраўнікі асобных прадпрыемстваў не заўсёды ўдзялюць ім належную ўвагу.
Падчас кантрольна-аналітычных мерапрыемстваў, праведзеных у шэрагу прадпрыемстваў вобласці (энергетыкі, будаўніцтва, прамысловасці, ЖКГ, транспарту) устаноўлены факты неўпарадкаванага захоўвання лому і адходаў чорных і каляровых металаў, складзіравання адходаў у несанкцыянаваных месцах, у памяшканнях і на тэрыторыі прадпрыемстваў, незабеспячэнне належнага стану прамысловай санітарыі, адсутнасць пляцовак для захоўвання другаснай сыравіны.
Часам толькі прысутнасць кантралёраў і эканамічная адказнасць за факты безгаспадарнасці прымушаюць ухіліць выяўленыя недахопы, правесці своеасаблівыя “пазапланавыя суботнікі”.
У гэтым годзе па выніках праведзеных кантрольных мерапрыемстваў за парушэнні заканадаўства аб абыходжанні з адходамі і парадку ўліку, збору, захоўвання, транспарціроўкі, выкарыстання, нарыхтоўкі (закупкі) ці рэалізацыі металапрадукцыі, чорных і каляровых металаў да адміністрацыйнай адказнасці прыцягнута больш за дзесяць чалавек.
Першапрычынай учынення правапарушэнняў з’яўляецца неналежнае выкананне службовых абавязкаў адказнымі работнікамі, бескантрольнасць і пасіўная пазіцыя кіраўнікоў прадпрыемстваў, якія павінны наладзіць работу па добраўпарадкаванні тэрыторый, павышэнні культуры вытворчасці, паляпшэнні стану прамысловай санітарыі, не чакаючы прыходу кантралёраў ці правядзення агульнарэспубліканскага суботніка.
КДК Брэсцкай вобласці.