Адшукваецца першакурсніца Ляхавіцкага дзяржаўнага аграрнага каледжа
У Ляхавіцкі РАУС звярнуўся айчым навучэнкі 1 курса аграрнага каледжа з заявай, што яго непаўналетняя падчарыца пайшла з інтэрната ўстановы і дагэтуль яе месцазнаходжанне невядома .
Па даным факце РАСК узбудзіў крымінальную справу. Вядуцца следча-вышуковыя мерапрыемствы па ўстанаўленні месца знаходжання 16-гадовай дзяўчыны.
Вядома, што яна неаднойчы ўцякала з дому па месцы жыхарства ў Салігорску.
На выгляд бяглянцы 16-17 гадоў, рост 160 см, сярэдняга целаскладу, блакітныя вочы, валасы да плячэй . Была апранутая ў чорныя джынсы, шэрую вятроўку, чорныя красоўкі з белымі ўстаўкамі. На левым перадплеччы татуіроўка з выявай сімвала інь-янь.
Віталій ЛАБАНАЎ, начальнік РАСК.