Грамадства Галоўная работа на Зямлі 05/03/2019 564 redakcyja – захоўваць сямейны ачаг, быць мамай і гаспадыняй, а яшчэ – профі на працы. У нашых зямлячак гэта атрымліваецца выдатна Мама ляхавічанкаНаталля Чарнышова і тры яе сонейкі– Ульяна, Васіліса і Маша.c Cваіх маленькіх гарэз выхавальніца дзіцячага садка № 1 г. Ляхавічы Анастасія Соц вучыць дабрыні, спагадзе і ўменню бачыць і ствараць прыгожае. Сённяшняя нагода для творчага занятку – падрыхтоўка падарункаў для мам і бабуль. Хлопчыкі і дзяўчынкі стараюцца: малююць, выразаюць, клеяць. І ведаюць, што іх сюрпрыз будзе самым-самым. У гэтым пераканана і Анастасія Анатольеўна. Яна, дарэчы, таксама абавязкова павіншуе маму і сястру – сямейную педагагічную дынастыю. Добры доктар, клапатлівы і сапраўдны прафесіянал – гэта пра ветурача райветстанцыі Ірыну Швайко. Што дапамагае ў няпрос-тай прафесіі? Ірына ўпэўнена: любоў да братоў нашых меншых і шчырае жаданне дапамагчы. Дома Ірына – любімая жонка, самая-самая лепшая мамачка і цудоўная гаспадыня. А яшчэ яна па-майстэрску кіруе аўтамабілем і нават перамагла ў раённым конкурсе «Аўталэдзі». У душы кожнай жанчыны павінна жыць вясна, лічыць брыгадзір малочнатаварнай фермы «Сакуны» ААТ «Шлях новы» Алена Анціпенка. Тады штодзень свеціць сонца, і настрой толькі радасны. Гэта вельмі дапамагае ў рабоце. Руплівая і старанная праца Алены ў мінулым годзе атрымала высокую адзнаку – яе партрэт упрыгожыў раённую Галерэю славы. Нашы зямлячкі дастойна нясуць службу ў пагонах. І ў афіцэрскім складзе РАУС ёсць абаяльная пяцёрка – прадстаўніцы прыгожай паловы чалавецтва паспяхова служаць у розных падраздзяленнях міліцыі: аддзяленнях па грамадзянстве і міграцыі, аховы правапарадку і прафілактыкі, ДАІ, крымінальна-выканаўчай інспекцыі. Старшы лейтэнант міліцыі Юлія Ярашук – старшы інспектар групы кадраў РАУС. Філолаг па дыпломе знайшла сваё прызванне ў праваахоўных органах і пачынала з інспекцыі па справах непаўналетніх. Вось ужо шэсць гадоў яна з гонарам гаворыць: «Я міліцыянер!». Юліі вельмі пасуе міліцэйская форма, а жаночая зброя – абаяльнасць, шчырасць і ветлівая ўсмешка – сур’ёзна дапамагае ў рабоце. Кветкі, пялёсткі казачнай прыгажосці ажываюць на сурвэтках жыхаркі Русінавічаў Ганны Жарскай. Вышывае іх з любоўю, мудрасцю і ад душы адорвае родных і сяброў. Яшчэ і аздобіць падарункі мярэжкай ці іншым узорам. Шмат гадоў яна адпрацавала швачкай, і ў свае амаль 97 з захапленнем працягвае займацца рукадзеллем: сцяжок за сцяжком з-пад яе рукі складаецца ў непаўторны, выразны і яскравы вышываны малюнак.А яшчэ Ганна Іосіфаўна нераўнадушная чытачка прэсы і асабліва раёнкі.