Бяда на дарозе
Каля 21 гадзіны 26 лістапада на аўтадарозе Баранавічы-Ляхавічы ў аграгарадку Дарава адбылося дарожна-транспартнае здарэнне са смяротным зыходам: часова выконваючы абавязкі начальніка аддзела ДАІ Баранавіцкага ГАУС на аўтамабілі ўчыніў наезд на жанчыну (жыхарку Слуцка), якая пераходзіла дарогу. Пешаход загінула на месцы ДТЗ.Вадзіцель знаходзіўся ў стане алкагольнага ап’янення, што пацвердзіў медагляд. Праведзены следчыя эксперыменты, прызначаны разнастайныя экспертызы.
Следчы камітэт узбудзіў крымінальную справу па частцы 4 артыкула 317 (парушэнне правілаў дарожнага руху асобай, якая кіравала транспартным сродкам у стане алкагольнага ап’янення, што пацягнула па неасцярожнасці смерць чалавека) Крымінальнага кодэкса Беларусі.
Вадзіцель затрыманы. Калі яго віна ў гібелі жанчыны будзе даказана, яму пагражае да 7 гадоў пазбаўлення волі. Праводзіцца расследаванне.
Віталій ЛАБАНАЎ,
начальнік Ляхавіцкага РАСК.
