Паважаныя работнікі сістэмы адукацыі, дарагія ветэраны педагагічнай працы!

Прыміце шчырыя і сардэчныя віншаванні з прафесійным святам – Днём настаўніка!

Спрадвеку да працы педагога прад’яўляліся самыя высокія патрабаванні. Менавіта настаўнік заўсёды быў і застаецца ўзорам духоўнай сілы, справядлівасці, мудрасці, культуры і інтэлігентнасці.

Дарагія педагогі! Вы выконваеце  высакародную місію – выхоўваеце дастойных грамадзян сваёй краіны, фарміруеце яе інтэлектуальны патэнцыял, закладваеце асновы  заўтрашняга дня.

Словы ўдзячнасці і прызнання ветэранам галіны, якія не толькі ўнеслі вялікі ўклад у навучанне многіх пакаленняў, але і перадалі свой бясцэнны вопыт і веды маладым педагогам.

Жадаем вам здароўя, шчасця, бадзёрасці духу і жыццёвых сіл, сямейнага дабрабыту, цікаўных, адораных і ўдзячных вучняў, якія заўсёды будуць радаваць вас сваімі перамогамі і дасягненнямі.