Дарагія землякі! 7 лістапада — Дзень Кастрычніцкай рэвалюцыі
Роўна сто гадоў аддзяляюць нас ад гэтай даты: перамога Вялікага Кастрычніка адкрыла новую старонку ў сусветнай гісторыі.Бясплатная адукацыя і медыцынскае абслугоўванне, васьмігадзінны рабочы дзень, ліквідацыя саслоўных прывілеяў, роўнасць грамадзянскіх правоў жанчын і мужчын і многае іншае стала заваяваннем таго часу.
Дзякуючы рэвалюцыі, людзі атрымалі права на працу, адукацыю і адпачынак, права ўдзельнічаць у кіраванні краінай. Беларусы набылі сваю незалежнасць, магчымасць будаваць суверэнную дзяржаву на прынцыпах дабра і справядлівасці, плённа працаваць на роднай зямлі.
Сёння Рэспубліка Беларусь не толькі захавала, але і прымножыла гэты патэнцыял, выбраўшы ўласны шлях развіцця.
У гэты дзень шчыра жадаем вам здароўя, шчасця, аптымізму, поспехаў і ўпэўненасці ў сваіх сілах, міру і дабрабыту, працоўных здабыткаў на карысць раёна, Брэстчыны, краіны.
Раённы выканаўчы камітэт. Раённы Савет дэпутатаў.
