Авария в Ляховичском районе
7 сакавіка каля 22 гадзін на 14-м кіламетры аўтадарогі Баранавічы-Ляхавічы недалёка ад вёскі Дарава-Чыж адбылося ДТЗ, паведамляе сайт ДАІ УУС Брэсцкага аблвыканкама.
Па папярэдняй інфармацыі, за рулём аўтамабіля «Нісан», што рухаўся ў напрамку Ляхавічаў, знаходзіўся 27-гадовы жыхар райцэнтра. «Нісан» выехаў на паласу сустрэчнага руху і дапусціў сутыкненне з аўтамабілем «БМВ Х5», які ехаў у сустрэчным напрамку.
У выніку ДТЗ вадзіцель і два пасажыры «Нісана» (46-гадовая брастаўчанка і жыхар в. Сакуны) былі шпіталізаваны ў бальніцы Баранавічаў і Ляхавічаў. Ноччу 8 сакавіка ў рэанімацыйным аддзяленні Баранавіцкай гарбальніцы ад атрыманых траўмаў жыхарка г.Брэста памерла.
Устаноўлена, што ўсе ўдзельнікі руху былі прышпілены рамянямі бяспекі.
Па факце ДТЗ праводзіцца праверка.
Фота з сайта ДАІ Брэсцкага аблвыканкама.