Не пагражай! Ляхавіцкі раённы аддзел Следчага камітэта ўзбудзіў крымінальную справу
Напачатку красавіка РАСК узбудзіў крымінальную справу па арт. 186 у адносінах жыхара Ляхавіцкага раёна 1978 г.н.
Вечарам 9 красавіка на прахадной льнозавода ён пагражаў забойствам работнікам прадпрыемствам, трымаючы ў руках пнеўматычны пісталет, знешне падобны з баявой зброяй.
Падчас раследавання крымінальнай справы ўстаноўлена, што згаданы грамадзянін ў той жа вечар пагражаў прымяненнем насілля з выкарыстаннем таго ж пісталета работнікам РАУС, якія прыбылі на месца здарэння па паведамленні пра ўчыненае злачынства. Па даным факце 5 чэрвеня РАСК узбудзіў крымінальную справу па арт. 364 (пагроза прымянення насілля ў адносінах супрацоўніка аддзела ўнутранных спраў), санкцыя якой прадугледжвае максімальнае пакаранне ў выглядзе пазбаўлення волі тэрмінам да 6 гадоў.
Абвінавачаны заключаны пад варту.
Аляксандр ТРАЯНОЎСКІ, намеснік начальніка РАСК.