Ляхавіччына: жыццё складаецца з імгненняў і падзей /фота/
Жыццё складаецца з імгненняў і падзей, лёсаў людскіх і нашага агульнага — любімай краіны. Яно не стаіць на месцы. Спынімся-азірнёмся на пройдзенае за гэты год і ўбачым мноства яркіх фрагментаў. Сярод іх і тыя, якія трапілі ў кадры «ЛВ». Выразныя і вызначальныя сюжэты, знаёмыя і новыя прозвішчы герояў дня, падзеі, якія сталі пачаткам вялікіх спраў і маюць стваральны працяг. З перспектывай — гэта цудоўна, гэта матэрыялізаваная сувязь часоў, такое вось трыадзінства ўчора-сёння-заўтра.
Старты бываюць не толькі спартыўныя, але жыццёвыя, прафесійныя, творчыя. Як жа жыццесцвярджальна, калі яны паспяховыя і незапозненыя! У многіх нашых землякоў так і атрымліваецца!
Кожнае наваселле мінулага года для жыхароў раёна — падзея чаканая, светлая і радасная. Ключы ад новых кватэр атрымалі многія нашы землякі, расчынілі дзверы пасля капітальнага рамонту і рэканструкцыі некаторыя аб’екты сацыяльнай сферы, адрамантаваны мост праз раку Ведзьма ў райцэнтры. І сёння будаўнічыя і рамонтныя работы працягваюцца па новых адрасах: гарадская паліклініка, будынак РАУС, апартаменты суда Ляхавіцкага раёна, жыллё — гэты пералік хутка яшчэ больш «падрасце». Маладзей, горад, якому споўнілася 520 гадоў, маладзейце, вёскі раёна! Усё разам гэта — наша маленькая радзіма!
Фота Сяргея ВАРАНОВІЧА.
Плодотворный год для района. Умелое руководство приносит богатый урожай успехов и достижений. Пусть старты продолжаются. Люди прославляют район- слава им!Ляховичане везде, в разных странах.