15 марта- День Конституции Республики Беларусь

Дарагія землякі!

Прыміце шчырыя віншаванні з Днём Канстытуцыі Рэспублікі Беларусь! Менавіта прыняцце і наступнае ўдасканаленне Асноўнага Закона краіны ў многім вызначыла сучаснае развіццё Беларусі як моцнай сацыяльнай прававой дзяржавы.
Канстытуцыя — важнейшы сімвал і атрыбут суверэнітэту. Яна стала асновай для ўмацавання дэмакратычных устояў грамадства, захавання духоўных каштоўнасцяў нацыі, забеспячэння дабрабыту кожнага чалавека і кожнай сям’і. З’яўляючыся трывалым фундаментам дзяржаўнага ладу Рэспублікі Беларусь, Асноўны Закон гарантуе надзейную абарону правоў і свабод грамадзян, садзей-нічае паслядоўнаму правядзенню сацыяльна-эканамічнай палітыкі, накіраванай на значнае павышэнне якасці жыцця людзей. Мы па праву ганарымся сваёй Канстытуцыяй, перакананы, што няўхільнае ўвасабленне ў жыццё канстытуцыйных прынцыпаў — залог паспяховай рэалізацыі эканамічнага, культурнага і духоўнага патэнцыялу беларускага народа.
Шчыра жадаем вам, дарагія сябры, міру, шчасця, здароўя, увасаблення ўсіх вашых планаў, натхнення на далейшыя працоўныя дасягненні дзеля росквіту Айчыны.

РАЁННЫ  ВЫКАНАЎЧЫ КАМІТЭТ.                                                    РАЁННЫ САВЕТ   ДЭПУТАТАЎ.