Ляхавічы: райкам ГА БРСМ сумесна з раённай арганізацыяй таварыства Чырвонага Крыжа і валанцёрамі СШ № 2 правялі акцыю
«Стоп, СНІД».
Штогод 1 снежня, у Сусветны дзень барацьбы супраць СНІДу, Беларускі рэспубліканскі саюз моладзі праводзіць акцыю пад такой назвай. Не застаюцца ў баку ад яе і бээрэсэмаўцы Ляхавіччыны.
Сёлета райкам ГА БРСМ сумесна з раённай арганізацыяй таварыства Чырвонага Крыжа і валанцёрамі СШ № 2 правялі акцыю на рыначнай плошчы райцэнтра і на тэрыторыі аўтастанцыі. Рабяты раздавалі прахожым інфармацыйныя буклеты, брашуры па праблемах наркаманіі, ВІЧ/СНІДу.
Акцыя “Спыніць СНІД. Выканаць абяцанне” праходзіць у Ляхавіцкім дзяржаўным аграрным каледжы. Мясцовыя валанцёры і актывісты бээрэсэмаўскай пярвічкі каледжа падрыхтавалі лістоўкі з заклікам разам змагацца супраць гэтай небяспечнай хваробы.
Падчас акцыі “Мы за Ляхавіччыну без СНІДу” быў праведзены турнір па валейболе паміж навучэнцамі і выкладчыкамі ЛДАКа. Спартыўныя спаборніцтвы – гэта яшчэ адна магчымасць прадэманстраваць гатоўнасць і жаданне маладых супрацьстаяць далейшаму распаўсюджванню эпідэміі СНІДу.
Несумненна, немагчыма адначасова выратаваць увесь свет, але можна пачаць з сябе, сваіх родных і сяброў – заняцца прафілактыкай. Гэта і будзе важны крок да выратавання жыццяў на ўсёй планеце.
Тамара ПРАКАП’ЮК,
в. а. першага сакратара РК ГА БРСМ.
Фота Сяргея ВАРАНОВІЧА.