Поле чакае тэхніку. Спраўную.У сельскагаспадарчых прадпрыемствах Ляхавіцкага раёна правяраецца гатоўнасць тэхнікі да веснавой сяўбы

У сельскагаспадарчых прадпрыемствах Ляхавіцкага раёна правяраецца гатоўнасць тэхнікі да веснавой сяўбы. Дзяржтэхагляд не пакідае без увагі ні адну адзінку тэхнікі.

Праз зусім кароткі час на палетках сельгаспрадпрыемстваў раёна пачне саліраваць яравая сяўба. Сёлета пад яе адведзена 17 300 гек-
тараў. Па даных райсельгасхарчу, расклад наступны: на 5 915 гек-
тарах запланавана пасеяць яравыя збожжавыя і зернебабовыя, у тым ліку 1 780 гектараў кукурузы, на 2 700 гектарах – лён,
1 800 гектараў адведзена пад цукровыя буракі, 105 гектараў – пад бульбу, 5 650 гектараў займе кукуруза на зялёны корм і сілас. Зразумела, каб якасна і ў тэрмін правесці сяўбу, а потым паспяхова спрацаваць на нарыхтоўцы кармоў і жніве, неабходна паклапаціцца не толькі пра наяўнасць тэхнікі, але і яе якасную падрыхтоўку да сезона. Гэтыя пытанні на пастаянным кантролі кіраўніцтва і інжынернай службы гаспадарак, спецыялістаў упраўлення па сельскай гаспадарцы і харчаванні райвыканкама, а таксама іншых службаў – РАУС, РАНС. З 1 лістапада 2022 года ў сельгаспрадпрыемствах пачаўся рамонтны перыяд па падрыхтоўцы агратэхнікі да палявых работ і нарыхтоўкі кармоў – 2023.
– Як і ў папярэднія гады, сёлета першым адказным экзаменам для тэхнікі стане дзяржаўны тэхагляд, які дае права на ўдзел тэхнікі ў паспяховых работах. Увесь задзейнічаны на веснавых палявых работах аўтапарк – трактары, прычэпы, пагрузчыкі і спецтэхніка – павінен будзе да 10 сакавіка атрымаць дазвол на выхад у поле. Згодна са складзенымі графікамі ажыццяўляўся маніторынг правядзення рамонтных работ – своеасаблівая генеральная рэпетыцыя перад дзяржтэхаглядам. Былі дадзены рэкамендацыі там, дзе ёсць недапрацоўкі, каб іх выправіць.Адзначу, што сёлета патрабаванні да гатоўнасці тэхнікі сталі больш жорсткімі. Таму падыход быў строгім і прынцыповым. Бяспека, адпаведнасць тэхнікі нарматыўным патрабаванням – у прыярытэце, таму важнасць дзяржтэх-
агляду высокая, – адзначае галоўны дзяржаўны інспектар упраўлення
па сельскай гаспадарцы і харчаванні райвыканкама Сяргей Шушпаннікаў.
Першымі грунтоўны экзамен трымалі ААТ «Жарабковічы» і ўчастак ЗТАА «БелДан». Па словах Сяргея Шушпаннікава, кожная з гэтых гаспадарак мае па восем энерганасычаных трактароў. Яны праверку вытрымалі. А вось па прычапной тэхніцы былі выяўлены пэўныя праблемы, ёсць не так шмат часу, каб зрабіць работу над памылкамі. На гэтым тыдні тэхагляд праверыць гатоўнасць пасяўной тэхнікі ў
ЗАТ «Белпрампрыбор» і ААТ «Шлях новы».
Дарэчы, тэхагляд праходзіць у некалькі этапаў. Наступны – праверка ў красавіку гатоўнасці кормаўборачнай тэхнікі, на трэцім этапе ў чэрвені на кантролі збожжаўборачная тэхніка, на чацвёртым – у жніўні – буракаўборачная.
Усяго ў сельгаспрадпрыемствах Ляхавіччыны 307 трактароў, з іх
48 энерганасычаных (32 айчыннай вытворчасці), а таксама 147 адзінак прычапной тэхнікі, 63 пагрузчыкі.

Галіна КАНЬКО.
Фота Сяргея ВАРАНОВІЧА.