КСУП «Тальмінавічы». Працуюць разам
Механізатары Аляксей Зянько і Валянцін Вялічка.
Адзін у полі не воін. З пэўным дапушчэннем вядомае выслоўе можна лёгка «адаптаваць» і да зерневага поля. Іншая справа – экіпаж, калі старшы камбайнер і камбайнер умела і граматна выконваюць кожны свае абавязкі і, у той жа час, працуюць як адно цэлае.
Працуюць на агульны вынік, на ўраджай. Аляксей Зянько і Валянцін Вялічка з КСУП «Тальмінавічы» па ходзе жніва (і не толькі) працавалі добрасумленна, з аддачай і задачай не страціць ні зярнятка вырашчанага ўраджаю. Сёлета яно і без таго атрымалася зусім не багатым.
