Нашы землякі працягваюць дзяліцца ўражаннямі ад цырымоніі інаўгурацыі Кіраўніка дзяржавы. Перапаўняюць эмоцыі і гонар за Прэзідэнта і краіну!
Наталля ІСАХАНАВА, старшыня Ляхавіцкай раённай камісіі па выбарах Прэзідэнта Рэспублікі Беларусь:
– Перапаўняюць эмоцыі і гонар за Прэзідэнта і краіну! Цырымонія інаўгурацыі – гэта вызначальная гістарычная і канстытуцыйна-прававая падзея, новая старонка ў развіцці нашай любімай Беларусі і вялікае для ўсіх беларусаў свята. Адчувала вялікі гонар за Прэзідэнта, за краіну, радасць, што нарадзілася і жыву ў Беларусі!
Урачысты і эпахальны момант, калі Аляксандр Рыгоравіч паклаў руку на Канстытуцыю і вымавіў клятву на вернасць беларускаму народу. Гэта не проста словы прысягі, а гарант упэўненасці ў заўтрашнім дні і стабільнасці, упэўненасці ў міры і згоде.
Вельмі кранулі шчырыя словы Прэзідэнта: “Вы – ўсё маё жыццё, і я прыкладу максімум намаганняў, каб апраўдаць аказаны вамі вялікі давер”. Наш Прэзідэнт – сапраўдны народны нацыянальны лідар, які любіць свой народ! У кожным слове Прэзідэнта – клопат пра людзей і паляпшэнне якасці іх жыцця. Са сваёй прафесійнай дзейнасці ведаю, як дзяржава падтрымлівае дзяцей і маці, адзінокіх і адзінока пражываючых пажылых людзей, інвалідаў і іншыя катэгорыі грамадзян. А гэта заслугоўвае высокай ацэнкі. Дзеля падтрымкі розных катэгорый насельніцтва актыўнічаюць і грамадскія арганізацыі са шматлікімі акцыямі і праектамі. Прэзідэнт у сваім выступленні ў час інаўгурацыі закрануў і іншыя найбольш важныя тэмы далейшага развіцця нашай дзяржавы.
Упэўнена, пад кіраўніцтвам Аляксандра Лукашенкі краіна дасягне яшчэ большых вышынь і ўмацуе беларускія пазіцыі на міжнародным узроўні. Шмат сказанага Прэзідэнтам застанецца арыенцірам і натхняючым дэвізам, як і яго словы: “Мы павінны ставараць, а не разбураць!”. Пасля ўсяго пачутага хочацца яшчэ больш актыўна дзейнічаць на карысць сваёй Радзімы. Упэўнена, што кожны, хто знаходзіўся ў зале Палаца Незалежнасці, адчуваў свой саўдзел у захаванні і прымнажэнні дасягненняў нашай краіны.
