7 студзеня – Нараджэнне Хрыстова па календары праваслаўнай канфесіі
Паважаныя свяшчэннаслужыцелі, веруючыя Беларускай праваслаўнай царквы і іншых хрысціянскіх цэркваў, якія святкуюць Нараджэнне Хрыстова 7 студзеня!
Сардэчна віншуем вас са светлым і радасным святам!
На працягу многіх стагоддзяў Нараджэнне Хрыстова дорыць людзям нязгаснае святло веры і надзеі. Святочныя ўрачыстасці прыносяць у наша жыццё згоду і ўзаемную павагу, абуджаюць патрэбнасць
дапамагаць тым, хто мае патрэбу, дзяліцца цяплом, клопатам і ўвагай з блізкімі.
Нараджэнне Хрыстова – сямейнае свята, цудоўная магчымасць адпачыць і прысвяціць каштоўны час сваім родным і блізкім. І няхай цяпло дамашняга ачага, разуменне і любоў дарагіх нашаму сэрцу людзей дапамогуць нам зрабіць навакольны свет дабрэй і лепш.
У гэтыя светлыя святочныя дні прыміце шчырыя пажаданні моцнага здароўя, шчасця і поспехаў ва ўсіх пачынаннях. Няхай святочны настрой увойдзе ў вашы дамы і прынясе мір, дабрабыт і веру ў дабро!
Раённы выканаўчы камітэт. Раённы Савет дэпутатаў.
