Характар – пераможны! Час падвесці віншавальны вынік. Сёлета ў аграгарадку Жамчужны на сцэне вітаюць нашых працавітых землякоў, яны слава і гонар Ляхавіччыны. Іх руплівымі рукамі, працоўным спрытам і духам здаровай канкурэнцыі куецца харчовая бяспека краіны

Вось ужо 30 гадоў, як у Першым рэгіёне ўшаноўваюць і віншуюць лепшых аграрыяў вобласці. Сёлета гонар прымаць лепшых хлебаробаў Брэстчыны выпаў аграгарадку Жамчужны Баранавіцкага раёна. За гісторыю «Дажынак» Ляхавіччына двойчы станавілася сталіцай аграрнага свята – у 2000 і 2013 гадах. Прыемна, што імёны ляхавіцкіх рупліўцаў гучаць на такім высокім узроўні.

Больш за 71 тысячу тон збожжа – уклад аграрыяў Ляхавіччыны ў абласны каравай.

Брэсцкая вобласць першай у краіне завяршыла ўборку збожжавых і зернебабовых культур у поўным аб’ёме. З улікам азімага рапсу намалочана 1 мільён 636 тысяч тон.