Гуляй, Ураджайная!
У апошнюю суботу чэрвеня галоўнай дзеючай асобай тэатралізаванага свята “Гуляй, вёска” стала Ураджайная і яе бліжэйшыя вёскі-суседкі. Пачатак святкавання быў незвычайны – перад мясцовымі жыхарамі свае ўменні і навыкі падчас паказальных выступленняў прадэманстравалі супрацоўнікі раённага аддзела па надзвычайных сітуацыях.
На свяце ўшаноўвалі пачэсных гасцей, якіх было нямала. Сярод іх – старэйшая жыхарка 102-гадовая Марыя Тумаш і самы маленькі вясковец Арцём Махнач.
Аднавяскоўцы ўшаноўвалі сямейную пару Таццяны і Уладзіміра Зелянко, якія адзначылі сярэбранае вяселле. Ёсць чаму павучыцца ў іх маладажонам Марыне і Аляксею Дзянейка, Вікторыі і Сяргею Багдановічам. Апладысментамі і падарункамі сустракалі гаспадароў лепшых падворкаў – Святлану Ціцікшу і Івана Пабягайлу з Ураджайнай, Наталлю Лашук з Каранёў, Ларысу Сідор з Тумашоў, Валянціну Равінскую з Флер’янова, Наталлю Мацюшка з Бажкоў, Леака-дзію Алейнікаву з Дайнякоў.
Словы асаблівай удзячнасці і пашаны былі сказаны ў адрас Святланы Сідор, якая прызнана лепшай малаказдатчыцай.
Цэлы дзень над Ураджайнай гучалі музыка, смех і віншаванні. А цудоўны настрой песнямі, гумарэскамі стварылі вяскоўцам сама-дзейныя артысты з Ураджайнінскага ЦСДК і госці – ансамбль песні “Ліпавы мёд” Стайкаўскага СДК. Спонсарскую дапамогу ў правядзенні мерапрыемства аказаў СВК “Шлях новы”.
Ларыса ЯСЕВІЧ,
дырэктар Ураджайнінскага цэнтральнага сельскага Дома культуры