Пра рыжых мурашак, кусты-чырванакніжнікі і інтарэс да экалогіі
Рэспубліканскі юніёрскі конкурс “Квітней, мой лес!”, які праводзіць Мінлясгас, з кожным годам прырастае новымі прыхільнікамі. Не выключэнне і нашы юныя землякі. Сёлета яны не проста ўдзельнікі, а пераможцы. У намінацыі “Экалогія лясных жывёл” першае месца за даследаванне паводзін рыжых мурашак прысуджана вучаніцы 9 класа Жарабковіцкай СШ Вользе Войтуль (настаўніца Галіна Бунель). Дзесяцікласнік СШ № 2 Кірыл Сцепаненка (Таццяна Доруш, Наталля Ланкуць, Тамара Васько) удастоены ”бронзы” за раскрыццё тэмы пра балотныя кусты-чырванакніжнікі. Рабяты атрымалі дыпломы і каштоўныя падарункі.Дарэчы, у абласным этапе ад нашага раёна было заяўлена пяць даследчых работ, з іх тры сталі пераможцамі абласнога тура. У намінацыі “Устойлівае лесакіраванне” лідзіраваў Кірыл Сцепаненка. У “Экалогіі лясных раслін” адзначана першым месцам работа школьніцы з Жарабковіцкай СШ Дар’і Каляда, трэцяе месца ў Карыны Вялічка і Дзіяны Капуза з СШ№2. А ў намінацыі “Экалогія лясных жывёл” трэцяе месца раздзялілі даследаванні Вольгі Войтуль і рабят з СШ № 1 Кацярыны Козел і Ільі Кавальчука.
Наталля АДАМЕНКА,
намеснік дырэктара лясгаса.
Фота з сайта лясгаса.
Віншую ўсіх удзельнікаў і пераможцаў рэспубліканскага юніёрскага конкурсу «Квітней, мой лес!»Прыемна, што з кожным годам удзел нашых юных даследчыкаў становіцца больш выніковы.Калі ў мінулым годзе «бронзу» з рэспубліканскага этапупрывязла вучаніца Жарабковіцкай СШ Жаўнярэвіч Дар’я, то ў гэтым годзе ў вучаніцы гэтай жа школы Войтуль Вольгі «золата», яна лідзіравала і на абласным этапе. Дэбютантка Каляда Дар’я, вучаніца 8 класа Жарабковіцкай СШ адзначана дыпломам 3 ступені ў абласным этапе.Спадзяюся, што яна павысіць свой вынік у наступным годзе. Але поспех дзяўчынак гэта і заслуга іх таленавітага педагога, кіраўніка навуковых работ Бунель Галіны Сігізмундаўны. Далейшых поспехаў вам і ўдачы!