“Новае пакаленне” – “Чэмпіён”
21 снежня на базе Конькаўскага дзіцячага сада-сярэдняй школы прайшоў дзень спорту і добрага настрою. Удзельнікамігэтага дня пад дэвізам «За здаровы лад жыцця» сталі не толькі мясцовыя школьнікі, але і маладыя працаўнікі СВК «Ордэна «Знак Пашаны» Кастрычнік».
Раніца пачалася для школьнікаў, як звычайна, — з зарадкі. Днём абсалютна ўсе былі задзейнічаны ў разнастайных спартыўных спаборніцтвах, конкурсах, віктарынах. Але асноўным па напале эмоцый стала вячэрняе спабор-ніцтва паміж камандамі «Новае пакаленне» (складзенай з вучняў 11 класа) і «Чэмпіён» (у складзе членаў БРСМ пярвічкі СВК «Ордэна «Знак Пашаны» Кастрычнік»). Спаборніцтва праходзіла ў 2 этапы — спартландыя і валейбол. Напал барацьбы ўзрастаў з кожнай хвілінай. У цяжкай спартыўнай канкурэнцыі заслужаную перамогу з лікам 2:0 атрымалі старшакласнікі.
Удзельнікі спаборніцтваў узнагароджаны граматамі, ім уручаны падарункі, пра якія паклапаціўся старшыня гаспадаркі Васілій Чубаў.
Увогуле, дзень спорту і добрага настрою чарговы раз паказаў цеснае супрацоўніцтва педагогаў школы і праўлення СВК у выхаванні ў падрастаючага пакалення і моладзі беражлівых адносін да ўласнага здароўя, прапагандзе здаровага ладу жыцця.
Алена ЧАЙКОЎСКАЯ,
настаўнік Конькаўскага ДС-СШ