«Рэпетыцыя зімы». Верш вядомай паэткі з Ляхавіцкага раёна Веры Дыдышка
Неспадзёўкі снег упаў.
Хіба быць такое можа?
А ён падаў, не растаў.
Пабялелі ўвачавідкі
Поле, лес і сенажаць.
Здзіўленыя аксаміткі
З клумб заснежаных глядзяць.
Ты дарма, зіма сівая,
Гоніш белыя снягі,
Лістапад пераганяеш
І прыходзіш без чаргі.
Свае снежныя дываны
Трэці дзень дарма трасеш
Не спяшайся йсці так рана,
Без цябе пакуль што лепш.
Не палохай снегам дужа,
Бо напэўна знаем мы:
Гэты снег яшчэ не сцюжа —
Рэпетыцыя зімы.
Ён яшчэ растане, згіне,
Блісне сонца на зямлі.
Але як шкада вяргіняў,
Што так хораша цвілі!..
Вера ДЫДЫШКА.