За заслугі

2 красавіка мы адзначалі Дзень яднання народаў Беларусі і Расіі. А літаральна ў наступны панядзелак на апаратнай нарадзе ў райвыканкаме адбылася падзея, якая зноў падкрэсліла і праілюстравала: мы – аднадумцы і многія задачы, над якімі працуем, агульныя для абодвух народаў. І выніковыя намаганні ў іх вырашэнні не застаюцца незаўважанымі. Генерал-маёр расійскай арміі Сяргей Бліноў, які, дарэчы, у свой час служыў у Беларусі на тэрыторыі нашага раёна, уручыў грамату старшыні Ляхавіцкага раённага Савета дэпутатаў Яўгенію Юрлевічу – “За вялікія заслугі перад Бацькаўшчынай, руплівасць, разумную ініцыятыву і высокі прафесіяналізм, праяўленыя ў шматгадовым супрацоўніцтве і шматбаковым узаемадзеянні з Узброенымі Сіламі, а таксама вялікі асабіс-ты ўклад у патрыятычнае выхаванне моладзі”. Свой подпіс пад гэтым паставіў начальнік Генеральнага штаба Узброеных Сіл Ра-сійскай Федэрацыі – першы намеснік Міністра абароны Расійскай Федэрацыі генерал Н. Макараў. Акрамя таго, Яўгенію Нікадзімавічу ўручаны медаль “За заслугі”, пасведчанне на які падпісана маршалам, двойчы Героем Савецкага Саюза А. Яфімавым.
Віншуем!