У “Смайліку” – “бананавы рай”. У Ляхавічах адкрылася дзіцячае кафэ

Вось і адбылася падзея, якую з нецярпеннем і надзеяй чакалі не толькі маленькія ляхавічане, але і іх бацькі. Нарэшце ў нашым райцэнтры з’явілася дзіцячае кафэ. У мінулы чацвер хлопчыкі і дзяўчынкі ў суправаджэнні дарослых сабраліся каля магазіна “Родны кут” на вуліцы Леніна, 45 — менавіта тут адбылося ўрачыстае адкрыццё кафэ “Смайлік” мясцовага райпо.

На рамонт памяшкання, абсталявання пайшло каля 300 мільёнаў рублёў уласных грошай. Чым жа парадавала кафэ наведвальнікаў? У першую чаргу, утульнасцю, бо ўсё прадугледжана для цікавага і вясёлага адпачынку. Побач са столікамі — дзіцячая гульнёвая міні-пляцоўка. Наведвальнікам па гусце разнастайнае дзіцячае меню, у якім марожанае з рознымі напаўняльнікамі, жэле, пірожныя, сокі, кактэйлі. Нават назвы іх апетытныя: “бананавы рай”, “шакаладны карнавал”, “ванільнае неба” і г.д. Дарэчы, ужо ёсць і першыя заяўкі на правядзенне тут дзён нараджэння і дзіцячых свят.

Галіна ЗАРЭЧНАЯ.

Фота Сяргея ВАРАНОВІЧА.