Трагедыя пад коламі

4 лютага, каля 7.40 раніцы, ляхавічанін на аўтамабілі “Аўдзі” па дарозе Баранавічы-Ляхавічы каля аграгарадка Дарава, учыніў наезд на пешахода, жыхарку Ляхавіцкага раёна, якая знаходзілася на праезнай частцы дарогі і не была абазначана святлоадбівальнымі элементамі. Жанчына загінула на месцы ДТЗ.
Асноўнай прычынай гібелі людзей на дарогах па-ранейшаму застаюцца наезды на пешаходаў і веласіпедыстаў, у тым ліку не пазначаных у цёмны час сутак святлоадбівальнымі элементамі. З пачатку года на дарогах Ляхавіцкага раёна з удзелам пешаходаў адбылося 2 ДТЗ, у выніку якіх 2 пешаходы загінулі.
Шаноўныя грамадзяне, пераходзьце праезную частку толькі па пешаходных пераходах і на дазваляючы сігнал святлафора, а ў цёмны час сутак абавязкова насіце святлоадбівальныя элементы, – у гэтым залог вашай і чужой бяспекі.
Дзяржаўтаінспекцыя просіць аб усіх фактах парушэння ПДР і вадзіцелямі, і пешаходамі, у тым ліку пра знаходжанне апошніх на праезнай частцы ў нецвярозым стане, паведамляць па тэл. 102.
Мікалай ДЫЛЕЎСКІ,
старшы дзяржаўтаінспектар АДАІ.