Егер казулі таварыш
Егеры раённай арганізацыйнай структуры БТПР дапамагаюць насельнікам лясоў перазімаваць.Клопат пра зімоўку пачынаецца яшчэ з вясны-лета: нарыхтаваць сена, забяспечыць належны запас солі, зернеадходаў. Частку запасаў для падкормкі раённая арганізацыя атрымлівае “па бартары”: на час касавіцы-жніва здае трактар у арэнду сельгаспрадпрыемствам раёна, якія разлічваюцца зернем, сенам. Егеры на замацаваных за імі участках вядуць улік лясных насельнікаў, сочаць, каб не пуставалі кармушкі. А яшчэ арганізуюць паляванне ў дазволеныя заканадаўствам тэрміны, у тым ліку і для замежных грамадзян. На ўчастку Аляксандра Малахвея (на здымку) арганізавана 8 падкормачных пляцовак, да якіх усю зіму прыходзілі ласавацца казулі, дзікі, зайцы.
Фота Сяргея ВАРАНОВІЧА.
