Крымінал. Здарэнні Ляхавіччыны

Раніцай у мінулую сераду 67-гадовая жыхарка аграгарадка Ліпск,  як звычайна, пайшла ў хлеў, каб управіцца са свойскай жывёлай. Калі вярнулася ў дом, сказала сыну, што  ёй дрэнна, бо яе     стукнула карова. Той выклікаў хуткую дапамогу. Яшчэ да прыбыцця медыкаў жанчына памерла. Раённы аддзел Следчага камітэта па даным факце праводзіць праверку.

У час правядзення аперацыі “Арсенал”  ляхавічанін  здаў  у райаддзел міліцыі штык і  53 патроны часоў вайны. Усё гэта ён знайшоў у адным з лясных масіваў нашага раёна.

Раённы аддзел Следчага камітэта ўзбудзіў крымінальную справу  па артыкуле  186 (пагроза забойствам)  Крымінальнага кодэкса Рэспублікі     Беларусь  у дачыненні  72-гадовага  ляхавічаніна.  Позна вечарам ён, размахваючы сякерай,  пагражаў забойствам сваёй дачцэ. Мужчына знаходзіўся ў стане алкагольнага ап’янення.

За апошнія 2 тыдні затрыманы 30 жыхароў раёна за знаходжанне ў грамадскіх месцах у нецвярозым  стане,  па 6 – за дробныя крадзяжы і хуліганствы,  8 сямейных  скандалістаў, 2 вадзіцелі, якія кіравалі транспартнымі сродкамі ў стане алкагольнага ап’янення. Трое асуджаны ў лячэбна-працоўныя прафілакторыі.