Чаго прыходзіла рыжая ў Літву Ляхавіцкага раёна?
2 кастрычніка ў РАНС паступіла паведамленне: у двары дома № 16 па вуліцы Кірава ў вёсцы Літва з’явілася ліса. Да прыбыцця супрацоўнікаў райветстанцыі, райЦГіЭ, таварыства паляўнічых і рыбаловаў лясную драпежніцу забілі і адразу ўтылізавалі. У прафілактычных мэтах праведзена санітарная апрацоўка падворка, куды завітала няпрошаная госця.
Лісы, як і іншыя драпежнікі і бадзяжныя жывёлы, могуць уяўляць небяспеку як пераносчыкі шаленства і іншых інфекцыйных хвароб.
Створана камісія па выдаленні з тэрыторыі населенага пункта, садаводчага таварыства дзікай жывёлы. Яе ўзначаліў галоўны ветэрынарны ўрач раёна Уладзімір Гараховіч.
Калі вы заўважылі драпежнікаў на вуліцы ці падворку, неадкладна тэлефануйце па нумары 2-14-85 у райветстанцыю, 101 – РАНС ці ў бліжэйшы сельвыканкам.
Дзмітрый НОВІК,
старшы інжынер РАНС.
