Усё пачыналася ў каледжы
Лекцыі і семінары, дыспуты і навуковыя канферэнцыі, практычныя заняткі і лабараторныя работы, спартыўныя спаборніцтвы і незабыўныя сустрэчы вакол кастра, цікавыя дні і вечары ў камфортным інтэрнаце і размеркаванне на першае месца працы — усё засталося ў мінулым для сёлетніх 150 выпускнікоў Ляхавіцкага дзяржаўнага аграрнага каледжа.
Але чэрвеньскія дні сталі не менш напружанымі і адказнымі, чым гады вучобы. Каляджане трымалі іспыты на галоўным студэнцкім выпрабаванні — дзяржаўных экзаменах. Гэта своеасаблівае падвядзенне вынікаў вучобы і практыкі на працягу ўсіх курсаў. Выпускнікі аддзяленняў ветэрынарнай медыцыны, агранаміі і заатэхніі дэманстравалі тэарэтычныя веды і практычныя навыкі пе- рад строгімі дзяржаўнымі камісіямі на чале з прафесарамі і дацэнтамі Гродзенскага дзяржаўнага аграрнага ўніверсітэта.
Наогул, у ЛДАКу створаны цудоўныя ўмовы і для вучобы, і для здачы экзаменаў: аўдыторыі забяспечаны неабходнымі нагляднымі матэрыяламі, патрэбнымі для правядзення даследаванняў прэпаратамі і экспанатамі, што неаднойчы пацвярджалі вы-кладчыкі ВНУ, якія прысутнічалі на экзаменах.Таму на кожным з іспытаў выпускнікі адчувалі сябе ўпэўнена (безумоўна, сказвалася і добрая падрыхтаванасць).
Як расказала намеснік дырэктара ЛДАКа па вучэбнай рабоце Святлана Тарасевіч, рабяты не толькі паказалі грунтоўныятэарэтычныя веды, але і даволі дакладна выказвалі свае думкі і меркаванні, аналізавалі, пераконвалі, рабілі высновы. Таму пастаўлена нямала высокіх адзнак, у тым ліку «дзясятак» і «дзявятак». Больш чым удала вытрымалі выпускнікі і практычны экзамен. Дарэчы, па каледжы сярэдні бал за дзяржаўныя экзамены — 7,4. Значыць, у хуткім часе сельская гаспадарка атрымае не толькі адукаваных маладых спецыялістаў, але і практычна падрыхтаваных.
Безумоўна, у гэтым поспеху немалая заслуга выкладчыкаў. Яны не толькі перадаюць навучэнцам свае веды і багаты вопыт, але і выхоўваюць, вучаць любіць прафесію, вёску, у якой давядзецца працаваць, і родную Беларусь, у якой жывуць. Дарэчы, пераважная большасць сёлетніх выпускнікоў, як і іншыя навучэнцы каледжа, атрымліваюць сярэднюю спецыяльную адукацыю за кошт бюджэтных сродкаў. А прыбыўшы на першае месца працы згодна размеркавання, яны, акрамя гарантаванага рабочага месца па атрыманай спецыяльнасці, скарыстаюцца і іншымі льготамі як маладыя спецыялісты сельскай гаспадаркі.
22 чэрвеня ў каледжы праходзіў развітальны выпускны баль. 150 маладых спецыялістаў сельскай гаспадаркі атрымалі дыпломы аб заканчэнні ЛДАКа, з іх 17 — чырвоныя дыпломы (у тым ліку 8 — у новаспечаных аграномаў і 7 — у заатэх-нікаў). Гэта было сапраўднае свята для выпускнікоў і іх вы-кладчыкаў — урачыстае, радаснае і крыху сумнае.
Выпускны баль закружыў у развітальным вальсе. Незабыўныя імгненні…
Наперадзе большасць выпускнікоў ЛДАКа (акрамя тых, хто стане студэнтам дзённых ад-дзяленняў ВНУ) чакае першае працоўнае месца і першыя крокі ў прафесіі і самастойным жыцці. Няхай усё гэта будзе такім жа запамінальным, цікавым і аптымістычным, як і вучоба ў каледжы.
Галіна КАНЬКО