23 лютага – Дзень абаронцаў Айчыны і Узброеных Сіл Рэспублікі Беларусь
Паважаныя жыхары раёна! Дарагія ветэраны Вялікай Айчыннай вайны, удзельнікі лакальных канфліктаў, ваеннаслужачыя і ветэраны Узброеных Сіл Рэспублікі Беларусь!
Прыміце шчырыя віншаванні са святам – Днём абаронцаў Айчыны і Узброеных Сіл Рэспублікі Беларусь!
Мы аддаём даніну павагі і ўдзячнасці ўсім, хто служыў і служыць Радзіме, абараняе яе інтарэсы, забяспечвае мір і стабільнасць. Подзвігі абаронцаў Айчыны – гэта праўда гісторыі, якую не сказіць і не перакрэсліць. Гэта ўзор патрыятызму, нагляднае сведчанне адзінства ўсіх пакаленняў беларускага народа.
У гэты дзень віншаванні гучаць у адрас усіх мужчын – моцных, дзейных, адказных, якія клапоцяцца пра свае сем’і, мірнай і сумленнай працай уносяць уклад у развіццё сваёй малой радзімы.
Жадаем моцнага здароўя і дабрабыту, бадзёрасці і аптымізму, шчаслівага і мірнага жыцця на роднай зямлі.
РАЁННЫ ВЫКАНАЎЧЫ КАМІТЭТ. РАЁННЫ САВЕТ ДЭПУТАТАЎ.