24 кастрычніка 1943 года выйшаў у свет першы нумар ляхавіцкай раёнкі. Шчыра віншуем з юбілеем нашых чытачоў, любімую газету і ўсіх, хто ў розны час працаваў у ёй!
Паважаныя калегі! Сардэчна віншую вас з 70-годдзем з дня выхаду першага нумара газеты «Ляхавіцкі веснік».
Сем дзесяцігоддзяў газета ўпэўнена крочыць па жыцці. Многае змянілася за гэты час, але заўсёды газета выконвала сваё галоўнае прызначэнне – служыць людзям. Яе старонкі захавалі для нашчадкаў подых самых розных гістарычных падзей, сталі сапраўдным летапісам Ляхавіцкага раёна.
За час свайго існавання газета прайшла шлях станаўлення і развіцця, заўсёды аб’ектыўна, на высокім прафесійным узроўні асвятляючы праблемы і пытанні грамадска-палітычнага, сацыяльна-эканамічнага, культурнага жыцця рэгіёна.
Жадаю супрацоўнікам рэдакцыі газеты, аўтарскаму актыву, чытачам моцнага здароўя, шчасця, аптымізму, творчага натхнення, поспехаў у працы, міру і дабрабыту.
Лілія АНАНІЧ,
першы намеснік Міністра інфармацыі
Рэспублікі Беларусь.
Былых і сённяшніх супрацоўнікаў рэдакцыі, аўтарскі актыў, усіх чытачоў раёнкі
шчыра і сардэчна віншуем з 70-гадовым юбілеем газеты!
Яе лёс непарыўна звязаны з лёсам раёна. Усе 70 гадоў раённая газета стварае летапіс роднага краю, была і застаецца сапраўднай школай майстэрства для некалькіх пакаленняў супрацоўнікаў і пазаштатных аўтараў.
Многае змянілася за гэты час. Мяняліся аб’ём і назва выдання, паліграфічнае выкананне, тэматыка публікацый. Але заставалася галоўнае: раённая газета заўсёды блізкая чытачам, расказвае аб асноўных падзеях, пра людзей, якія множаць славу нашага горада і раёна, пра важныя падзеі гістарычнага шляху.
Няпростая місія – данесці да чытача свежую і аб’ектыўную інфармацыю аб падзеях, планы і перспектывы развіцця нашага раёна, вобласці, краіны. Высокі прафесіяналізм супрацоўнікаў рэдакцыі, уменне глыбока аналізаваць праблемы, аб’ектыўнасць, адкрыты дыялог з чытачамі дазваляюць выданню быць запатрабаваным і папулярным. А шматлікія перамогі газеты ў творчых конкурсах і спаборніцтвах гэта пацвярджаюць.
Праца работнікаў газеты заўсёды была прыкладам прафесійнага майстэрства. Заставайцеся і надалей вернымі лепшым традыцыям журналістыкі.
Жадаем калектыву рэдакцыі, аўтарскаму актыву і чытачам газеты моцнага здароўя, дабрабыту, стваральнай энергіі, творчых знаходак, прафесійных поспехаў!
Раённы выканаўчы камітэт Раённы Савет дэпутатаў
Шаноўныя калегі! Паважаныя сябры! Прыміце шчырыя віншаванні з нагоды 70-годдзя вашага выдання.
Прыемна адзначыць, што сярод перыядычных выданняў «Ляхавіцкі веснік» вызначаецца актуальнай тэматыкай, высокім журналісцкім майстэрствам, паўсядзённай сувяззю з чытачамі. Аб гэтым сведчаць многія абласныя і рэспубліканскія ўзнагароды. Творчая біяграфія многіх вядомых беларускіх аўтараў пачыналася менавіта на старонках ляхавіцкай раённай газеты. Сённяшнія супрацоўнікі рэдакцыі ўзбагачаюць лепшыя традыцыі сваіх папярэднікаў, таленавіта і ўзнёсла адлюстроўваюць стваральную працу землякоў.
Ад усёй душы жадаем супрацоўнікам рэдакцыі, пазаштатным аўтарам, чытачам газеты добрага здароўя, дабрабыту, натхнення, новых творчых дасягненняў.
З павагай, старшыня Брэсцкай абласной арганізацыі ГА «Беларускі саюз журналістаў»
Георгій ТАМАШЭВІЧ.