З тысячай! У цэнтры банкаўскіх паслуг № 117 ААТ “ААБ Беларусбанк” г. Ляхавічы ўшаноўвалі юбілейнага кліента
На мінулым тыдні ў цэнтры банкаўскіх паслуг № 117 ААТ “ААБ Беларусбанк” ушаноўвалі юбілейнага кліента. Ляхавічанка Надзея Белавусава прыйшла ў ЦБП, каб падключыць інтэрнэт-банкінг, і нечакана для сябе апынулася ў цэнтры ўвагі. Менавіта яна стала тысячнай карыстальніцай гэтай запатрабаванай паслугі Беларусбанка ў Ляхавічах. Кіраўніцтва ЦБП і супрацоўнікі аддзела рознічнага бізнесу ўрачыста ўручылі жанчыне карту кодаў, дакументы і падарунак.
Дарэчы, як аказалася, “юбілярша” на заслужаным адпачынку, але гэта зусім не перашкаджае цікавіцца і карыстацца прагрэсіўнымі банкаўскімі тэхналогіямі, актыўна выкарыстоўваць безнаяўныя плацяжы.
Сёння ў раёне эмітавана 13,5 тысячы плацёжных картак Беларусбанка. На прадпрыемствах гандлю і сэрвісу дзейнічаюць 92 плацёжныя тэрміналы нашага банка, працуе 7 інфакіёскаў, арганізаваны 4 лаяліці-праекты, што прадугледжваюць скідкі пры аплаце за тавары трымальнікам плацёжных картак Беларусбанка. Так што разлічвацца “пластыкам” не толькі зручна, але і выгадна.
Сяргей САКОВІЧ,
начальнік аддзела рознічнага бізнесу ЦБП № 117 ААТ “ААБ Беларусбанк”