Які партрэт, які пейзаж!
Сапраўднае мора кветак! Такое яркае аздабленне мае ідэальны парадак, які фотакарэспандэнт “ЛВ” убачыў нядаўна ў аграгарадку Навасёлкі. Адрас гэтай прыгажосці – вуліца Цэнтральная, 7. А навялі яе гаспадары сядзібы Часлава і Аркадзій Маеўскія.
Шчыра папрацаваўшы, можна адпачываць ля самавара за кубачкам духмянага чаю. Смачна і ўтульна!
Наогул, многім з нашых шаноўных землякоў ёсць чым пахваліцца перад суседзямі і проста прахожымі. Увага: фотааб’ектыў “ЛВ” шукае самыя прыгожыя сядзібы і арыгінальныя ідэі!
