“Горкі цукар”
У газеце “Ляхавіцкі веснік” (№ 27 за 7 красавіка 2010 г.) быў змешчаны матэрыял “Горкі цукар”, у якім ішла размова пра асартымент прадуктаў харчавання для хворых на цукровы дыябет.
На публікацыю адрэагаваў старшыня праўлення райпо Васілій Некрашэвіч, які паведаміў: “Сёлета ў маі плануецца адкрыццё фірменных секцый па продажу прадуктаў харчавання для хворых цукровым дыябетам ва ўніверсаме “Радуга”, Доме гандлю, а таксама ў магазінах харчовых тавараў у вёсках Ліпск, Свяціца, Тухавічы, Жарабковічы. Для зручнасці пакупнікоў тавары будуць размешчаны на спецыялізаваных паліцах”.
