Добрай раніцы! Трымайце білецік!
Так прыемна пачынаецца дзень для пасажыраў гарадскога аўтобуса. І ў адказ на шчырую ўсмешку вадзіцеля Анатолія Шчэрбы таксама міжволі ўсміхаешся. Дзівішся яго заўсёднаму добраму настрою, імкненню падзяліцца ім з іншымі. Уважлівы, добразычлівы, ветлівы і вельмі адказны. За 38 гадоў вадзіцельскага стажу па якіх толькі дарогах не ездзіў, колькі кіламетраў накруціў на колы яго аўтамабіль – усё не ўспомніш і не падлічыш.– Споўнілася 18 – атрымаў вадзіцельскае пасведчанне. Здаецца, тады не я выбраў прафесію, яна мяне. У арміі за абаранкам КАМАЗа, пасля 20 гадоў працаваў вадзіцелем у райаграсэрвісе, быў дальнабойшчыкам. Цяпер – у Баранавіцкім аўтобусным парку. У нашай справе галоўнае – увага. Да пасажыраў, дарожнай сітуацыі, тэхнікі. Тады прыходзіць вельмі важная для кожнага рэч – асалода ад прафесіі.
Напярэдадні прафесійнага свята хочацца пажадаць Анатолію Антонавічу і ўсім яго калегам шчаслівых дарог, паспяховых рэйсаў і ўдзячных пасажыраў!
Маргарыта КУХТА.
Фота Маргарыты КУХТА.
Слова
віншавальнае
У апошнюю нядзелю кастрычніка ў Беларусі па традыцыі адзначаецца Дзень аўтамабіліста і дарожніка.
Ляхавіцкі раённы выканаўчы камітэт і раённы Савет дэпутатаў віншуюць з прафесійным святам калектывы і ветэранаў дарожна-будаўнічых і дарожна-эксплуатацыйных службаў, аўтамабільных гаспадарак і аўтасэрвісных прадпрыемстваў, а таксама ўсіх аўтамабілістаў Ляхавіччыны.
віншавальнае
