В Ляховичском районе прошли торжества, посвящённые Дню Октябрьской революции

Па ўсёй рэспубліцы Дзень Кастрычніцкай рэвалюцыі адзначаўся адкрыццём новабудоўляў, прамысловых і сацыяльных аб’ектаў, святочнымі  мерапрыемствамі.

У Ляхавіцкім раёне ўрачыстасці пачаліся ў вёсцы Падлессе напярэдадні  7 лістапада з ускладання кветак да помніка Леніну. Прадстаўнікі розных пакаленняў – члены райкама КПБ, савета ветэранаў і раённай арганізацыі БСА, мясцовыя школьнікі з настаўнікамі, навучэнцы ЛДАКа, прадстаўнікі грамадскасці –  прынялі ўдзел у мітынгу, прысвечаным 96-годдзю Кастрычніка.

Назаўтра народны клуб ветэранаў вайны і працы “Сівізна” ў гарадскім Доме культуры віншаваў усіх  святочным  канцэртам  “Песня даўжынёю ў жыццё”.

А 13 лістапада ў музеі ЛДАКа навучэнцы, школьнікі, бээрэсэмаўцы і камуністы, прадстаўнікі іншых грамадскіх арганізацый  за  “круглым сталом” абмяркуюць тэму “Ленін і Кастрычніцкая рэвалюцыя для мільёнаў такіх як мы”.

Наталля ПЕРАПЕЧКА.