ЗТАА «БелДан». Ураджай узнагарод
Гэта жніво ў ”БелДане” выдалася шчодрым на працоўныя перамогі. Першым у раёне вадзіцелем-тысячнікам на адвозцы зерня стаў Аляксандр Азарчык. Праз некалькі дзён вызначыўся яшчэ адзін тутэйшы механізатар. Першую жніўную тысячу намалаціў старшы камбайнер Артур Гутырчык. Абодва на ўборачнай не навічкі, адказныя і старанныя. Да таго ж у арсенале гаспа
даркі – магутная сучасная тэхніка, працаваць на якой камфортна нават у спякотнае надвор’е.На абласных “Дажынках” у Драгічыне на галоўную сцэну сярод пераможцаў абласнога спаборніцтва падымаліся і рупліўцы жніва з “БелДана”: камбайнеры Артур Гутырчык і Максім Горбік, вадзіцель Аляксандр Азарчык. Артур увогуле стаў зоркай фестывалю-кірмашу. Разам з жонкай Ірынай, дочкамі Альбінай і Усцінняй занялі 2 месца ў абласным этапе рэспубліканскага конкурсу “Уладар сяла”.
2211 гектараў ЗТАА сёлета далі 6012 тон збожжавых і зернебабовых (амаль на тысячу тон больш, чым летась) пры сярэдняй ураджайнасці 27,2 цэнтнера на круг. Асабліва парадаваў ураджайнасцю авёс. 31,2 цэнтнера з гектара – трэці паказчык у раёне.
І ў раённых “Дажынках” тутэйшыя хлебаробы удзельнічаюць не ў якасці статыстаў, яны зноў сярод лідараў. Першае месца ў сваіх намінацыях за старшым камбайнерам Іосіфам Ламаносам і вадзіцелем на адвозцы зерня Іванам Горбікам.
Галіна КАНЬКО.
Фота Сяргея ВАРАНОВІЧА.