Педсавет раённага маштабу. Педагогі Ляхавіччыны ў мінулую сераду сабраліся на традыцыйны жнівеньскі педагагічны форум

Своеасаблівую справаздачу перад новым 2025/2026 навучальным годам трымалі настаўнікі, выхавальнікі, педагогі дадатковай адукацыі, якія ў мінулую сераду сабраліся на традыцыйны жнівеньскі педагагічны форум.

ВЫСТАВА НА ІНАВАЦЫІ БАГАТАЯ

Гарадскі Дом культуры гасцінна сустракаў прадстаўнікоў педагагічных калектываў раёна. Як заўжды, дружная настаўніцкая сям’я Ляхавіччыны прадэманстравала інавацыйны падыход у арганізацыі і правядзенні раённага жнівеньскага педсавета. І гэта стала відавочным яшчэ падчасвыставы-прэзентацыі. Кожны адрас – справаздача замінулы навучальны год.

Ляхавіцкі раён адзіны на Брэстчыне, дзе ёсць усе прыступкі «Школы міру»: дашкольнаяўстанова (дзіцячы сад № 1),школа (Жарабковіцкая СШ імя М. Г. Мінкевіча) і сярэдняя спецыяльная навучальная ўстанова (аграрны каледж). Прыгожая форма, адметная выпраўка вылучаюць хлопчыкаў і дзяўчынак, якія займаюцца ў класах і групах ваенна-патрыятычнай накіраванасці. Упершыню на раённы настаўніцкі форум запрошаны прыёмныя бацькі і бацькі-выхавальнікі, якія атрымалі статус педработнікаў.

ПРА ДАСЯГНУТАЕ І ЗАДАЧЫ НА НОВЫ НАВУЧАЛЬНЫ ГОД

Пасля першых гукаў урачыстых мелодый, цёплых і шчырых слоў вядучых галоўная ўвага прысутных сканцэнтравалася на тых, пра каго асабліва клапоціцца дзяржава, – падрастаючым пакаленні. Педагогаў пранікнёна віталі навучэнцы класаў і груп ваенна-патрыятычнай накіраванасці. Надзвычай хваляваліся і навабранцы, тыя, хто 1 верасня ўпершыню ўвойдзе ў клас у якасці настаўніка.

У гэтым навучальным годзе педагагічнае папаўненне –гэта 14 маладых спецыялістаў, якія прыйшлі ў калектывы гарадскіх і сельскіх школ, дзіцячых садкоў. Для іх гучалі словы віншаванняў, наказы і шчырае запрашэнне ў вялікую настаўніцкую сям’ю.

Далей настаў час для сур’ёзнай работы. Дакладней, канструктыўнай размовы па актуальнай тэме «Прафесійны дыялог: павышэнне якасці адукацыйнага працэ-су ва ўмовах сучасных выклікаў». Да сваіх калег з прывітаннем з нагоды новага навучальнага года і пажаданнямі плённай працы, рэалізацыі творчых планаў, добрых пачынанняў звярнулася начальнік аддзела па адукацыі райвыканкама Марыя Саракавік. Размова пачалася з дашкольнага выхавання. На Ляхавіччыне дзейнічаюць 16 дзіцячых садоў, якія наведваюць 655 выхаванцаў, і ў якіх працуюць 129 педагагічных работнікаў. Значная ўвага ва ўстановах дашкольнай адукацыі надаецца патрыятычнаму, экалагічнаму выхаванню, стварэнню здароўезберагальных умоў. У раёне прадаўжаецца работа па развіцці і ўдасканаленні сістэмы агульнай сярэдняй адукацыі. У мінулым навучальным годзе дзевяць школ раёна паспяхова прайшлі працэдуру пацвярджэння дзяржаўнай акрэдытацыі. У гімназіі, СШ № 1 і № 2 рэалізоўваліся эксперыментальная і інавацыйная праграмы, а ў гэтым навучальным годзе будзе ўключана ў такую дзейнасць і Малагарадзішчанская СШ. Удасканальваецца прафарыентацыйная работа, пашыраюццаяе формы. Марыя Саракавік адзначыла, што асаблівая ўвага надаецца рабоце педагогаў з матываванымі навучэнцамі, і падкрэсліла, што патэнцыял як педагогаў, так і школьнікаў значна вышэйшы, і яго неабходна выкарыстоўваць. Выхаваўчая работа – не менш важны складнік. У школах раёна рэалізуюцца разнастайныя рэспубліканскія патрыятычныя праекты, рабяты розных узростаў актыўна займаюцца валанцёрскай і даследчай справай. У цэнтры ўвагі і працаўладкаванне непаўналетніх у вольны ад вучобы час і ўвогуле арганізацыя вольнага часу падлеткаў. Значная ўвага ў дакладзе адведзена ўдасканаленню матэрыяльна-тэхнічнай базы ўстаноў адукацыі, фарміраванню даступнага асяроддзя, наяўнасці спецыяльна абсталяванага транспарту і іншаму.

ДЗЕЛІМСЯ ВОПЫТАМ

Сваімі напрацоўкамі і сучасным бачаннем адукацыйнага і выхаваўчага працэсаў падзяліліся прадстаўнікі педагагічных калектываў. Пра сучасныя падыходы і асноўныя напрамкі выхаваўчай работы ў дашкольнай установе расказала загадчык дзіцячага сада № 1 Алена Чарняк. У выступленні дырэктара сацыяльна-педагагічнага цэнтра Наталлі Пішч размова ішла пра міжведамаснае супрацоўніцтва ў сферы абароны правоў дзяцей-сірот і дзяцей, якія засталіся без бацькоўскай апекі. Зацікаўлена аўдыторыя слухала дырэктара Ляхавіцкага аграрнага каледжа Ірыну Прыступа-Юнік, якая падрабязна спынілася на плённым супрацоўніцтве каледжа і ўстаноў адукацыі Ляхавіччыны.

ДЗЯКУЙ, ПЕДАГОГІ!

Старшыня райвыканкама Мікалай Мароз назваў прафесію педагога адной з самых важных, бо ад мудрасці настаўніка, яго педагагічнага таленту, вытрымкі і тактоўнасці, мабільнасці і творчага пошуку залежыць, якім будзе заўтра нашай краіны. Сваім прыкладам педагог выхоўвае і вучыць падрастаючае пакаленне.

Старшыня раённага Савета дэпутатаў Юрый Чаранкевіч пажадаў настаўнікам здароўя, цярпення ў нялёгкай і адказнай справе. Вялікая плеяда педагогаў была ўзнагароджана Граматамі і Падзячнымі пісьмамі галоўнага ўпраўлення па адукацыі аблвыканкама, райвыканкама і райсавета, прафсаюзных арганізацый.

Пераходны кубак і Падзячнае пісьмо аддзела па адукацыі за стварэнне ўмоў для работы з адоранымі і высокаматываванымі навучэнцамі сёлета ўручаны гімназіі.

Запамінальным акордам свята стала канцэртная праграма.

Галіна КАНЬКО.

Фота Сяргея ВАРАНОВІЧА.